Maleeshiyaad ka tirsan Al-shabaab oo lagu dilay deegaano ka tirsan gobolada Galgaduud iyo Shabeellaha Hoose
0
0
Read Time:1 Minute, 2 Second
Arbaco, Agoosto 6, 2025 (B.A) – Ciidanka Nabadsugida iyo Sirdoonka Qaranka Soomaaliyeed ee NISA, gaar ahaan kuwa loo yaqaano Gaashaan ayaa howlgal qorsheysan oo lagu dilay xubno ka tirsan Al-shabaab ka fuliyay deegaanka Cumar Beere ee gobolka Shabeellaha Hoose.
Howlgalka ayaa lagu dilay shan xubnood oo ka tirsan maleshiyaadka Al-shabaab, waxaana sidoo kale lagu burburiyay fariisimo ay kooxdu halkaasi ka sameysatay maalmahii lasoo dhaafay.
https://b4fcc38102223cb8ca874ba37d50c0ae.safeframe.googlesyndication.com/safeframe/1-0-45/html/container.html“Ciidanka NISA ayaa kor u qaaday howlgallada lagu ciribtirayo Khawaarijta, isla markaana looga hortagayo dhagarta ay u maleegayaan shacabka Soomaaliyeed” ayaa lagu yiri qoraalka kasoo baxay NISA.
Dhinaca kale ciidanka xoogga dalka oo kaashanaya kuwa xaq u dirirka deegaanka ayaa howlgal lagu dilay sadax xubnood oo ka tirsan Al-shabaab ka fuliyay deegaano hoostaga magaalada Xarardheere ee gobolka Mudug.
War qoraal ah oo kasoo baxay Wasaaradda Gaashaandhigga Soomaaliya ayaa lagu sheegay in howlgalkaan uu ahaa mid qorsheysanaa oo u dhacay sidii loo qorsheeyay, islamarkaana ciidanka xoogga dalka ay ka go’an tahay ciribtirka Al-shabaab.
Howlgaladaan lagu dilay xubnaha ka tirsan maleeshiyaadka Al-shabaab ee ka kala dhacay gobolada Shabeellaha Hoose iyo Galgaduud ayaa kusoo aadaya, iyadoo ciidamada dowladda Fedaraalka ay kordhiyeen howlgalada ka dhanka ah Al-shabaab.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
